1. Familie Herlin / Heerlien / Herlijn / Herlyn

Bd. 45 (1937) S. 112 "Le cincquièsme enffant est ung filz et se nomme Alexandre, duquel s'en accoucha ladite damoiselle le lendemain du jour Notre Dame chandeler, aultrement appellé purification Notre Dame, quy estoit mardy IIIe de febvrier XVe soixante sept à III heures et demye du matin et ce de son Ve enffant, lequel fut baptisié le mesme jour et matin ensuivant les dix heures en l'église Saint Estienne de ceste ville de Lille par Me Jehan Six, prebtre et curé propriétaire d'icelle église, dont fut donné à son clercq pour avoir accoustré et paré les fons VI sols parisis."

Bd. 45 (1937), S. 112 "Icelluy Alexandretermina vie par mort le sabmedy jour de Sainct Denis IXe d'octobre et jour de saint Ghislain anno mil V LXVIII à XI heures du soir et fut enterré le lundy ensuivant à VI heures du matin en ladite église Saint Estienne..."

Bd. 45 (1937), S. 113 "Le Vie enfant est une fille appellée Barbe, de laquelle fille acoucha la femme dudit se C.Petipas le dimence jour Saint George XXIIIe du mois d'apvril XVe soixante dix après Pasques à VI heures III quars du matin et ce de son Vle enffant, lequel fut baptisié le mesme jour à IIII heures et demye de l'après disner en l'église Saint Estienne de ceste ville de Lille par Me Jehan Six, prebtre et curé propriétaire d'icelle église, auquel luy fut donné gratuitement et pour honnesteté une pièche de quatre patars et à son clercq pour avoir accoustré et paré les fons trois pattars."

Bd. 45 (1937), S. 113 "Le septiesme enffant est ung filz et se nomme Charles, duquel s'en accoucha ladite damoiselle le mercedy XXIIIe jour du mois de septembre XVe LXXIII à VIII heures III quars du soir, estant son Vile enffant, lequel fut baptisié le lendemain à deux heures et demye de l'après disner en l'église Saint Estienne dudit Lille par Me Jehan Thabary, lieutenant de Monsieur Me Pierre Tavernier, curé et doyen d'icelle église, auquel luy fut donné pour gratieuseté VIII sols parisis et à son clercq pour avoir accoustré et paré les fons IIII sols parisis."

Bd. 45 (1937), S. 111 "Notre bon Dieu et benoist Saulveur appella à soy ladite Anne le joeudy XVe de septembre XVe quattre vingtz trois à une heure du matin pour le collocquier au reng des vierges en son repos éternel, Amen. Et fut inhumée en léglise Saint Estienne auprès de l'autel du piteulx crucifix du lez de la chappelle Saint George, à huyt heures du soir avecq quattre torsses portées par les IIII petis clercq; sy fut ladite Anne portée et convoyée par les prebtres de ladite église. Icy pour mémoire n'ayant esté que trois jours mallade"

Bd. 45 (1937), S. 105 - "Icelle damoiselle Jehenne Segon termina vie par mort le mecredy XVIe jour de may l'an mil Ve IIII** IIII à une heure ung quart du matin et fut enterrée en la chappelle Sainte Anne scituée en l 'église Sainte Catherine en Lille en laquelle elle a fondé II obitz et son feu mary ung, avecq distribution de II rasières de bled converties en pain et ung patart dessus et de pluiseurs accoustremens et soulliers, le tout aux povres de la ville de Lille. Dieu luy fâche miséricorde."

Liasse 12183 "Anne MUYSSART, veuve de Charles PETITPAS, écuyer, sr de Gamans, fille de feu Baulde, grand bailli de WAVRIN, et de Maxellende LE COCQ, fille de feu Hues, conseiller de Charles Quint, me ordinaire en la chambre des comptes à LILLE, et d’Anne ESTAURE - procuration janvier 1611." Quelle: EXTRAITS DE "Notes extraites des archives communales de Lille" P. DENIS DU PEAGE, 1936; s.a. Zeitschrift 'Le Castelo Lilloise', No, 17, S. 127

Bd. 45 (1937) , S. 114 "Ledit Charles, sr de Maresville et de la Tanerie, est terminé sans avoir esté allié par mariaige le 27 de 9bre 1614 et est inhumé audevant de l'huys de la chapelle Saint Anne en l'église de Sainte Catherine à Lille"