1. Familie Herlin / Heerlien / Herlijn / Herlyn

AC LILLE - liasse 12145 (10/3/1550) Comparurent en leurs personnes Me Robert MUETTE es loix, Franchois Estienne et Martin MUETTE, Jacques BERNARD Demoiselle Jehenne MUETTE sa femme, Théry DE FOURMESTRAU Demoiselle Anthonette MUETTE sa femme et Franchoise MUETTE lesdits du soubsnom MUETTE frères et et soeurs enfants et héritiers de défunts Robert et Demoiselle Isabeau DESBUISSONS tous demeurant en la ville de LILLE lesquels comparants lesdites femmes suffisamment autorisées quant à dire de leurs maris ce que elles olvent ? en elles pour agréable recognurent avoir fais mous et parchon aimable entre eulx des héritages enssuyevant spécifiés à eulx par ensamble succédés et escheus par les trépas de leurs défunts père et mère lesquels héritages sont escheus par lots à ces fins getés par la manière et ainsi qu'il s'enssuit. Premier aupes ? Jacques BERNARD sa femme et Martin MUETTE 28 cens de terre séans en la paroisse de Houpplines que tient en cense Denis DELECROIX estimés à la somme de trois cents ving cinq florins carolus à la charge de par eulx payer et furnir en deniers comptants audit Me Robert MUETTE la somme de soixante quinze florins carolus qui est pour chacun d'eulx trente sept florins carolus et dix pattars. Auxdits Estienne et Franchoise MUETTE dix huit cens de terre à labeur séans en plusieurs pièches à Ennetières en Mellenthois que occupe à tiltre de cense Clément THIBAULT estimés à la somme de deux cent trente florins carolus, et pour parvenir à égalité qui est de cent vingt cincq florins carolus à chacun, ledit Francois MUETTE tantmoings à la somme de quarante cincq florins carolus eussant déclarés dont se fera enssuyeuvant chargé pour sa part, leur payera à chacun dix florins carolus. Audit Franchois MUETTE seul quinze cens de terre séant à TEMPLEMARS que tient en cense Martin CHRESTIEN estimés à la somme de cent soixante cincq florins carolus à la charge de payer et furnir en deniers comptants la somme de quarante florins carolus savoir les vingt florins audit Estienne et Franchoise comme dict est et les aultres vingt audit Maistre Robert MUETTE. Audit Théry DE FORMESTRAU et sa femme unze cens de terre vulgairement appellés le camp cornu gisant en la paroisse de WAVRIN que tientà titre de cense Jehan LESTIENNE estimés à la somme de cent cincquante florins carolus à la charge de payer et furnir en deniers comptants audit Maistre Robert la somme de vingtcincq florins carolus. Et quant audit Me Robert parce que nul des susdits héritages ne sont escheus en sa part par lesdits lots gertés iceluy aura la somme de cent vingt florins carolus dont cy dessus sont chargés lesdits Jacques BERNARD sa femme Franchois MUETTE et lesdits Théry DE FORMESTRAU et sa femme sicomme lesdits Jacques BERNARD et sa femme de soixante quinze florins carolus ledit Franchois MUETTE de vingt florins carolus et ledit Théry et sa femme aussi de vingtcincq florins carolus desquelles trois sommes et parties ledit Maistre Robert MUETTE s'est tenu et tient pour content et bien payé comme aussy se sont tenus et tiennent lesdits Estienne et Franchoise contents et bien payés dudit Franchois MUETTE leur frère des vingt florins carolus cy dessus à eulx assignés avecq lesdits dixhuit cens de terre à Ennetières. Tout lequel partage ledits comparants chacun en son regard lesdites femmes auctorisées comme dessus ont promis et par ces présentes promettent leur entretenir de point en point, en renonchant aux parts et portions l'un de l'autre sans jamais y contrevenir sous et par l'obligation de tous et quelquoncques leurs biens meubles et immeubles que ils ont quant à ad.. submis et submettent envers tous seigneurs et justices. Ce fait ledit Martin MUETTE moyennant la somme de cent vingtcincq florins carolus et le remboursement de la moictié de soixante quinze florins carolus par luy cy dessus payée audit Maistre Robert MUETTE pour la mieulx vaille des vingthuyt cens de terre seans à Houpplines ledit Jacques BERNARD et sa femme luy ont fait des deniers procédants et à eulx succédés et escheus par le trespas de ladite deffuncte Isabeau DESBUISSONS leur mère icelluy a cédé et transporté cédé et transporté audit Jacques BERNARD et sa femme ce droit et moictié desdits vingthuyt cens de terre à eulx escheu et gertant les susdits lots et moyennant la somme de cent quinze florins carolus à ladite Franchoise MUETTE a consenty et consenty que ledit Estienne MUETTE son frère ayt et prende des deniers procédant comme dessus ledit Estienne a pareillement cédé et transporté cédé et transporté à ladite Franchoise sa soeur son droit et propriété à luy escheu en la moictié des dixhuyt cens de terre gisants à Ennetières cy dessus déclarés en renonchant par lesdits Estienne et Martin MUETTE chacun en son regard aux susdites parts et portions à eulx escheues par les susdits lots gertés au prouffit desdits Jacques BERNARD sa femme et ladite Franchoise MUETTE selon que dict est dessus et si à ledit Me Robert MUETTE renonche et renonche par ces présentes à tout tel droict raison et action qu'il porroit en prétendre et demander en tous les susdits héritages tant en vertu de la succession de sesdits père et mère que de certain achat par luy naguère faict dudit Martin son frère du septiesme qu'il avoit en iceux héritages promettant tous lesdits comparants chacun en son regard tout ce que dessus tenu et entretenu par furnir et accomplir respectivement soubs pareille obligation que dessus mesmes de recongnaistre tout le contenu en ce présent partage pardevant échevins de Lille et par tout ailleurs où il appartiendra et eut requis seront l'un à l'autre .... XV C L ... (1550)